lundi 26 octobre 2009

Torni

Adieu mond! Bon alara, sabi que ia as agut de mesa a jorn dempuei un moment en causa de quaques socis amb l'informatica a l'ostaleton.
Torni lèu lèu amb benlèu lo pòdcast de las emissions.

En esperant qualques videos, istòria de se dire que l'estiu es totjorn aqui







lundi 5 octobre 2009

M.I.A.


Aqueste ser, vos presenti una artista que representa plan la filosofia d'aquela cronica es a dire la dubertura sul mond dins un esperit de partatge e de mescla entre las cultura. Aladoncas, anamp parlar de l'Anglèsa d'origna Sri-Lankasa, M.I.A. Filha d'activistas politicas Tamoles, Mathangi Maya Arulpragassam debarca a Londres a l'atge de 11ans amb sa maire e sos fraires e sorres coma refugida politica en causa de la guèrra civila qu'es mai o mens acabada a l'ora d'ara amb las concequencias que coneissem mas es pas lo subjecte de la cronica. Escolana esberida e creativa, Maya dintra a la Central Saint Martins Art School de Londres ont estudis los arts plastiques, la foto e la video. En 2001, M.I.A. Expausa a Londres sa primièra mòstra de pintura engatjada e realisa lo clip de la cançon « Mad Dog » per lo grop de rock anglès Elastica. Son encontra amb la canadiana Peaches marquèt un viratge dins sa carrièra.




Peaches, ambassadrissa de l'electroclash ensenha a M.I.A cossi emplegar lo sequençor Roland, un samplor que permetis de faire jogar de boclas de musica en mema temps. En 2003, M.I.A. Sortis un demò de 6 titols ont se trapa lo single Galang que los Djs se tustèron sul morre per l'aver puèi que foguèt editat a sonque 500 exemplaris. Lo titol vira dins los clubs e sus internet, la carrièra de M.I.A es lançada. En 2004, M.I.A sortis en còllaboracion amb lo DJ american Diplo una mixtape qu'anoncia lo Primier album nomada « Piracy Funds Terrorism », la Pirateria fornis lo Terrorisme. Al dedins d'aquela Mixtape qualques tròçes de l'album e tot un fum de remixes samplant a dreita e a esquerra coma per exemple un troç Funk Carioca amb coma riddim « When Doves Cry » de Prince o encara "Walk like an Egyptian" de las Bangles. En 2007, M.I.A sortis son second album « KALA », amb totjorn de textes politics altermondialistas e un mescladis de ragga, de hip-hop, de soca, d'electro, de disco e de ritmes tribales. Es sus aquel album que se trapa lo tròç que revelèt M.I.A al mond entier « Paper Planes », notadment mercès a la presencia d'aqueste tròç sus la BO de « Slumdog Millionaire ». Dempuèi M.I.A continua sa carrièra totjorn a la recerca dels sons de la planèta e arresta pas los featurings. Darrièrament la vegerèm en compania de Buraka Som Sistema sus « Sound of Kuduro » que vos conselhi d'anar veire lo clip se l'avetz pas encara vist o amb la Rappaira originaria de Baltimore Rye Rye.


M.I.A. - Bamboo Banga
M.I.A - Jimmy (video)

vendredi 2 octobre 2009

Afrobeat


Astacatz vòstra sencha que uei partissèm per un viatge groovy a l'encontra de L'Africa e de l'Occident, lo tot sus fond de lutta socialas, vòli plan segur parlar de l'Afrobeat!
E se volem parlar d'Afrobeat, es impossible de pas parlar del creator d'aquel genre lo grand monsur Fela Anikulapo Kuti.
Filh d'intelectuals Nigerians, lo pichon Fela es mandat en 1958 a Londres per sas estudis ont descubris lo Jazz e monta son pròopia grop Fela Kuti & His Koola Lobitos. Pendent una detzenada d'ans, logrop vira d'aqui d'alai mai lo vsucces a pas rès a veire amb çò qu'es a venir. En 1969, Fela Kuti & His Koola Lobitos partisson en America per una seia de concerts. Aval, Fela e lo bateire dels Koola Lobita descubrisson lo moviment dels Black Panthers, ne tornan transformats e los Koola Lobitos se cambian en Africa 70. Fela decidis de cantar pas mai en Yoruba, la lenga la mai importanta del Nigeria mas en Pidgin d'Anglès, es a dire una lenga simplificada emplega coma mejan de communicacion entre los òmes, dins la tòca d'esser comprès e de rassemblar lo mai de monde possible a l'entorn d'una ideia, la revendicacion dels dreits del pobles africans en facia de la corupcion dels governaments. Per çò qu'es de Tony Allen, director artistic del grop fins a 79, apondis de ritmes Africans copats al cotel a la Musica originala de las debutas del grop. L'afrobeat es nascut!



Pendent las annadas 70, l'èrse Afrobeat se deversa per l'Africa tota mas tanben en Europa e en America. E Fela s'impausa coma l'un dels representants del moviment panafricanista als costats d'òmes coma Thomas Sankara o Marcus Garvey. Dins Africa tota, mas tanben en Inglaterra o en França de gropes d'Afrobeat se crean amb totjorn la mema raja e la mema volontat d'unitat entre los òmes. A la debuta de las anadas 80, lo moviment sembla perdre de son emplor, notadament dempuèi lo despart de Tony Allen d'Afica 70. En 1997, la mòrt de Fela sembla reviscolar la flama puèi que assistissèm a un retorn en força de l'afrobeat, de collaboracions entre d'artistas de totas culturas emerjan per la matge part del temps de l'emisfèra nort, notarèm The Daktaris, SoulJazz Orchestra, The Budos Band, Femi Kuti, lo filh de sabetz qual, o encara los excellent Montpelherencs de Fanga que vos conselhi d'anar veire en concert. Semblaria que 40 ans apuèi de sa crecacion, l'Afrobeat a vertadièrament capitat son desfi. Rassemblar los omes e las musicas.


mp3:

mercredi 30 septembre 2009

Baile Funk
















Uei, vos convidi a me seguir al Brasil. Alara doblidatz sulpic las polidas drollas que fan de beach volley sus la platja, partissèm dins las favelas de Rio de Janeiro ont nasquèt lo Baile Funk o puslèu lo Funk Carioca coma se dis aval puèi que lo Baile Funk es lo Bal ont se dansa lo Funk e cada dimengada son a la grossa 300 baile funks que son organisats dins la vila tota. Mas mèfi! Aquò a pas rès a veire amb lo Funk de James Brown o de Kool & the Gang. Influençat per lo Gansgta Rap, la Miami Bass e d'elements de samba, de merimbau o encara de Bossa nova, lo Baile Funk s'inspira de la vida vidanta de las Favelas. Al programa guerra dels gangs version hardcore, droga, prostitucion e afrontaments amb la policia.

L'estrambord per aquel estile foguèt tan grand que las autoritats qu'aimavan pas trop veire los minots dels polits barris s'acoquinar amb los dangeroses arlèris das favelas ensajèron de prohibir los Bailes amb d'intervencions muscladas de la polica que tirava dins la fola notadament en 96 e en 2000 mas aquò aguèt un succes discutible puèi que los DJ tornèron dins las favelas ont èron protegits per los gangs.



En 2004, lo DJ american Diplo torna de Rio e fa descubrir lo Funk Do Brasil als clubs d'Europa e d'America amb sa Mixtape Favela Strikes Back. Dempuèi, lo Baile Funk es sortit de Brasil; de Djs coma DJ Sandrinho o ben DJ Sani Pitbull son convidats a jogar de'n pertot dins lo monde, mas aquel genre de musica demora encara pauc coneguda del grand public e, a despart de qualques compilacions es pas gaire evident de trapar de disques. Mas bon, sem en 2009 e amb internet, ba sabetz plan, sem conectacts amb Rio sens interupcion. Enfin, una bona nova. De saupre que lo governament brasilian es en passa de reconeicer lo Funk Carioca coma cultura oficiala e ligitima del pais, mas l'afar es pas encara reglada puèi que los conservators consediron qu'aquela musica encoratga la violencia e la consomacion de droga. Istoria de seguir

Mr Catra - Vem Nha Nha

DJ Amazing Clay, Joyce Muniz, MC Gringo - Dança da Heidi

Edu K - Me Bota Pra Dançar (feat. Marina Vello)

Gregor Salto - Mystery Baila

De seguir:

funk neurotico.net

djsandrinho (myspace)

dj rideon (blog)